Blog

ජීවිතේ අපි කොච්චර දුවනවද හති වැටෙනකන්ම දුවනව මොනව පස්සෙද අරමුණු පස්සෙ නේද. ඇයි ඔච්චරටම දුවන්නෙ. මොනාද ඔයාට ලැබෙන්නෙ. සතුටක්ද? ඔයා හිතනව සතුටක් අවසානෙට හරි ලැබෙයි කියල. ඔයා දන්නව සතුට හුගක් දුරයි කියල .... ඒත් ඔයා නතර උනාද. නෑනේද. මදි නේද .. ජීවිතේ ඔයාට ලැබෙන තරම් ලැබුනත් මොනාවත් , මදි නේද. හිතුවද ඔයා නිකමට ඔයා ඔය දුවනව වගේ තවත් අය දුවනව කියල ... මොනා පස්සෙද කවදාවත් ඔයාගෙ කියල නමක් තියන්න බැරි බැදීම් පස්සෙ, වත්කම පස්සෙ, කොටින්ම කිව්වොත් සල්ලි පස්සෙ නෙවෙයිද. ඔව් ඔයාට ඕනි සල්ලි. ඔයා දැන් නෑ කියයි. එහෙනම් ඔයාට පුලුවන්ද සරල ජීවිතයක් ගෙවන්න. එක දෙයකින් ජීවිත් වෙන්න. බෑ නේද ... අන්න ඒකයි මිත්‍රයා අපිට බෑ කවදාවත් මේ ජීවිතේ ඕන විදියට ගත කරන්න. හැමෝම කියන දේවල් අහල බලල කිරල මැනල අපි ජීවිතේ ගෙවන්නෙම අනුන්ගෙ තරාදි වල නෙවෙයිද ... අපේ ජීවිත අපි තියෙනව යම් යම් මට්ටම් වල, හීන පොදි ගහ ගන්නව ඕනිවටත් වඩා, අද හිතනව හෙට මේ දේ කරනවමයි කියල ... ඒත් ඔයාට බැරි උනොත් ඔයා අඩනව නේද .... කොච්චර නම් ඔයා අඩල ඇත්ද. සමහර දේවල් ලබා ගන්නත් බෑ. බලා ගන්නත් බෑ. අතහරින්නෙත් නෑ . අපේ ජීවිත තියනව නේද හරියට අතනින් මෙතනින් එල්ලෙන පැදුරක් වගේ. කොහෙන් හරි ගැටගහගෙන යන්නනෙ අපිට ඕනිම. අනිකා වට්ටල හරි. ඔයා දැන් නෑ කියයි.. ඔයා කොහේ කොතන හිටියත් ඔයාගෙ යටි හිත කියන්නෙම මං කවදහරි අරෙයට වඩා හොද තැනකට යනව කියල නේද.. ඔයා කොහොම කිව්වත් ඇත්ත ඒක නේද . ජීවිතේ කියන්නෙම මේක නෙවෙයිද . හැමදාම හැමදේම තප්පරෙන් තප්පරේ ලස්සන වෙමින්, කෲර වෙමින්, රෞද්‍ර වෙමින් අහිංසක වෙමින් ජීවිතේ ගෙනියන එකට නෙවෙයිද. ආදරේ කියන්නෙමත් ජීවිතේට කියනව නේද අපි. ඇත්තටම ඔව්ද. වෙන්න පුලුවන් .. මට හිතෙන්නෙත් එහෙම. ආදරේ නැති තැන ජීවිතයක් නෑ කියලත් කියනව. වෙන්න පුලුවන්ද .... ඔව් සමහරවිට. ආදරේ කියන්නෙත් තව කෙනෙක්ට දීල ඊට වඩා දෙයක් බලාපොරොත්තු වෙන එකට නෙවෙයිද ... මට නම් හිතෙන්නෙම එහෙම ඔයා ඒකටත් දැන් නෑ කියයි. ඔයාට පුලුවන්ද තනියම ආදරේ කරල ඔයාගෙ ආදරේ වෙන කෙනෙක්ට දෙනව බලන් ඉන්න. බෑ ඔයාට ඇඩෙනව නේද .... චූටියට හරි ඔයාගෙ හිතට දුකක් ආවෙම නැද්ද.. අපි කවුරුත් කොහොම කිව්වත් අපි දාර්ශනිකයො උනේ අනුන්ගෙ ප්‍රශ්න වලදිම විතරයි නේද . මොන දේ උනත් අපි අපේ ජීවිතේට මොනදේ හම්බුනත් මදි කියල හිතෙනතරම් අපි ලොල් වෙලා අරමුණු වලට . මොකද අපේ හිත් ගෙවෙන්නෙම සතුට උද්දීපනයට පමනක්ම නිසා. සමහර අවස්තා එනව අපිට දැන් ඇති කියල හිතෙන ඒත් අපි නතර වෙනවද. නෑ නේද මොකද සමහර දේවල් තියෙනව අතහරින්නත් බෑ අල්ලගන්නත් බෑ ආසයි ඒත් අනේ මන්දා නමක් කියන්නට මාත් අසරණයි.. අපි හිතනව ජීවිතේම සුන්දරයි ඒ දේ ලැබුනොත් කියල ඉතිං අපි ඒ දේ හොයාගෙන කොච්චර අපහසුවක් උනත් ලෝකෙම පීරල හොයාගත්ත ඒ දේ හරි ආසාවෙන් බලාගන්නව ලෝබ කරනව ආශා කරනව හැමදේටම වඩා උඩින්ම තියනව ඒත් දවසක් එනව ඔයාට ඒ දේ වටිනා බවක් නොපෙනෙන තරම්ම හිතෙන .. ඇත්තටම අපිට අපේ ජීවිත කොහොම තිබ්බත් අපිට බෑ අපේ ජීවිත පාලනය කරන්න මොකද අද ඔබ ඉල්ලන දේ හෙට ඔබම එය ප්‍රතික්ෂේප කරන්න පුලුවන් ජීවිතේ කියන්නෙම අපි කියන පදේටත් නටාගන්න බැරි අනුන්ගේ පදේටත් නටාගන්න බැරි බොරු ආටෝප, බොරු තෘප්තිය , බොරු සෙනෙහස ,බොරුවෙන්ම ගලං යන දෙයක් .... මට හිතෙන විදියට.