Blog

ජීවිතේ කියන්නෙ මහ පුදුම තැනක්.. ෆෝන් එක චාජර් එකට ගහලා තේ එකකුත් අරන් ඉස්තෝප්පුවෙ වාඩි වුණේ ගේ අස්සෙම ඉදලම තෙහෙට්ටු නිසා..  එක එක දේවල් හිතට ආවම මම ඒ හිතළු දිගේ පැටලි පැටලි යන්නෙ ඔය ඉස්තෝප්පුවේදි තමයි..  ඉතිං එහෙම අතරමං වුණ වෙලාවක මතක් වුණ දෙයක්, මට ජීවිතේ තවත් පැතිකඩක් ගැන ඒත්තු ගැන්නුවා..  ඉස්සර මම ෆෘට් ඇන්ඩ් නට් අයිස් ක්‍රීම් කන්න කැමතිම නෑ.. තාත්තා වැඩ ඇරිලා එනකොට ගේන අයිස්ක්‍රීම් කප් සේරම දෙන්නෙ අපේ නංගිට.. අම්ම උයන කංකුං එහෙම් පිටින්ම බත් පිඟානේ ඉතුරු කරනවා.. කන්න කැමතිම නෑ..  පොඩි කාලෙ මට කිරි නැතුව බෑ.. ගොඩක් කල් යනකන් සුදු කිරි එක වේල් දෙකක්වත් බොන එක පුරුද්දක් වෙලා තිබ්බෙ..  ඒත් අද, මම ආසම අයිස් ක්‍රීම් එක ෆෘට් ඇන්ඩ් නට්.. මම කන්න ආසම කෑමත් කංකුං..  කිරි බොනව කියන එක අප්පිරියයි..  සම්පූර්ණයෙන්ම රුචි අරුචිකම් කණපිට හැරිලා..  ඉතිං මේ වගේම තමා ජීවිතෙත්.. අපිට එක එක සන්ධිස්ථානවලදි එක එක පුද්ගලයෝ හම්බ වෙනවා.. සමහර අය අපි සෑහෙන්න ආස වුණ හරි හොඳයි කියල හංවඩු ගහගෙන ඉදපු මිනිස්සු.. ඒ වගේ සමහරු අද අපේ ජීවිත වල කොණකවත් නැති වෙලා..  කිසිම වැඩකට නැති,දැක්කත් අප්පිරියයි කියල හිතන් ඉදපු මිනිස්සු අද අපේ ළඟම සඟයින් වෙලා..  ඉස්කෝලෙ කාලෙ කිරී පැණී වගේ ඉදපු ගොඩක් අයගෙ නම් පවා අද අමතක වෙලා..  ජීවිතේ හැම දේම කාලෙන් කාලෙට වෙනස් වෙනව.. සමහර විට අද අපි අකමැතිම දේ අනාගතයේ අපේ කැමතිම දේ වෙනවා.. ඒ වගේමයි අපේ අප්පිරියම දේ දවසක අපේ ජීවිතේම වෙන්නත් පුලුවන් !  ඉතිං ජීවිතේ කියන්නෙ මහ සාගරයක්.. මුහුදු රැල්ල වගේ ජීවිතේ එන සමහර රැලි වලට අපිව ගහන් යනවා.. හැම වෙලාවෙම වෙනස් වෙනවා..  ඒ නිසා ජීවිතේ දී වෙන සමහර දේවල් ගැන අපි උවමනාවට වඩා හිතන එක මෝඩ කමක්. මොකද මේ හැම දේම දවසක අපිට හොදම දේ වෙනවා.. ඒ වගේමයි අපි හොඳයි කියල කරපු සමහර දේවල් අපි ජීවිතේ කරපු ලොකුම මෝඩකම් වෙනවා.  ඒ නිසා ජීවිතේ දී ලැබෙන හැම දෙයක් ගැනම බොහොම උපේක්ෂාවෙන් බලන්න පුරුදු වෙන්න ඕන.. මොකද හැම දෙයක්ම වෙනස් වෙනවා..ඒකට තමා ජීවිතේ කියන්නෙ..  හිතල බැලුවම, ජීවිතේ ජීවත් කරවන්න වෙනස්වීම් ඇත්තටම ඕන..!